टचस्क्रिन MacBook Pro सार्वजनिक: नेपालमा मूल्य, विशेषता र उपलब्धता
एप्पलले आफ्नो इतिहासमै पहिलो पटक टचस्क्रिन भएको MacBook Pro सार्वजनिक गरेको छ। अक्टोबर २८ मा अमेरिकाको लस एन्जलसमा आयोजित ‘Pro and Tell’ कार्यक्रममा कम्पनीले नयाँ MacBook Pro सार्वजनिक गरेको हो। अमेरिकामा यसको मूल्य $2,899 देखि सुरु हुन्छ, जुन नेपाली रुपैयाँमा करिब रु ४,४०,६४८ (कर अघि) पर्छ।
मुख्य विशेषताहरू
• डिस्प्ले: १४ इन्च र १६ इन्च PROLED XDR Display, टच सुविधा, २,००० निट्स ब्राइटनेस, १०,०००,०००:१ कन्ट्रास्ट अनुपात
• प्रोसेसर: M5 Pro र M5 Max चिप (M5 Max मा १८-कोर CPU र ४०-कोर GPU)
• मेमोरी र स्टोरेज: १२८GB सम्म युनिफाइड मेमोरी, १६TB सम्म स्टोरेज
• डिजाइन: नचको ठाउँमा Dynamic Island, स्क्रिन छुँदा नहल्लिने बलियो हिन्ज, १४ इन्चको तौल १.३८ किलो र १६ इन्चको १.८२ किलो
• ब्याट्री र साउन्ड: २४ घण्टासम्म ब्याट्री ब्याकअप, छ वटा स्पिकरको साउन्ड सिस्टम
• पोर्टहरू: तीनवटा Thunderbolt 5, HDMI, SDXC कार्ड स्लट, MagSafe र हेडफोन ज्याक
नयाँ MacBook Pro मा टच सुविधा थपिए पनि किबोर्ड र ट्र्याकप्याड यथावत छन्। स्क्रिनमा औंलाले स्क्रोल गर्ने, पिन्च गरेर जुम गर्ने र ड्र्याग-ड्रप गर्ने जस्ता काम सिधै डिस्प्लेमै गर्न सकिन्छ। Canva, Zoom, Microsoft Word, PowerPoint, Adobe Lightroom, DaVinci Resolve र Blender लगायतका एपहरू पहिलो दिनदेखि नै टचका लागि तयार रहेको एप्पलले जनाएको छ।
मूल्य — अमेरिका (कर अघि)
तलका मूल्य अमेरिकाका आधिकारिक मूल्य हुन् र कर अघिका (before taxes) हुन्। नेपाली मूल्य $1 = रु १५२ को विनिमय दरले हिसाब गरिएको हो।
• १४ इन्च (M5 Pro): $2,899 — रु ४,४०,६४८
• १६ इन्च (M5 Pro): $3,399 — रु ५,१६,६४८
• १४ इन्च (M5 Max): $4,499 — रु ६,८३,८४८
• १६ इन्च (M5 Max): $4,799 — रु ७,२९,४४८
• सबै अपग्रेडसहितको १६ इन्च (सबैभन्दा महँगो): $14,549 — रु २२,११,४४८
नेपालमा आयात हुँदा भन्सार, कर र ढुवानी खर्च थपिने भएकाले नेपाली बजारमा अन्तिम मूल्य यीभन्दा फरक पर्न सक्छ।
कहिले उपलब्ध हुन्छ?
प्रि-अर्डर अक्टोबर ३० देखि खुल्नेछ भने नोभेम्बर ६ देखि अमेरिका लगायतका बजारमा बिक्री सुरु हुनेछ। नेपालमा आधिकारिक रूपमा कहिले उपलब्ध हुन्छ भन्नेबारे एप्पलले अहिलेसम्म कुनै जानकारी दिएको छैन।
लामो समयदेखि टचस्क्रिन ल्यापटपको विरोध गर्दै आएको एप्पलले करिब एक दशकअघि Touch Bar ल्याएर पछि हटाएको थियो। यसपटक भने कम्पनीले टचलाई किबोर्ड र ट्र्याकप्याडको अतिरिक्त इनपुटका रूपमा अघि सारेको छ।
