भाकल पूरा गर्न रवि लामिछाने पत्नी र मन्त्रीसँग भारत प्रस्थान
राष्ट्रिय स्वतन्त्र पार्टी (रास्वपा) का सभापति रवि लामिछाने तीनदिने धार्मिक भ्रमणका लागि भारत प्रस्थान गरेका छन्। उनी पत्नी निकिता लामिछाने र मन्त्री प्रतिभा रावलसँगै शुक्रबार बिहान काठमाडौंबाट धनगढी उडेका थिए, त्यसपछि सीमा नाकाबाट भारत प्रवेश गरेका हुन्।
लामिछानेको सचिवालयका अनुसार यो यात्रा पूर्ण रूपमा व्यक्तिगत तथा पारिवारिक हो, र यसको उद्देश्य भाकल पूरा गर्नु हो। भ्रमणका क्रममा टोलीले उत्तराखण्डको नैनीताल जिल्लामा रहेको कैँची धाम र असमको गुवाहाटीमा रहेको कामाख्या मन्दिरमा दर्शन तथा पूजा गर्ने कार्यक्रम तय गरिएको छ।
यसअघि लामिछानेले जुन महिनामा पनि भारत भ्रमण गरेका थिए, जुन भ्रमण मुख्यतः राजनीतिक छलफलमा केन्द्रित थियो।
